Ankara men Vashıngton Túrkııanyń Sırııadaǵy operatsııasyn toqtatýǵa kelisti

ANKARA. ANADOLY-QazAqparat – AQSh jáne Túrkııa delegatsııalary Ankaradaǵy kelissózder barysynda Sırııadaǵy Túrkııa Qarýly Kúshteri júrgizgen «Beıbitshilik qaınary» terrorızmge qarsy operatsııasy 120 saǵatqa toqtatylatynyn málim etti, dep habarlaıdy QazAqparat «Anadoly» agenttigine silteme jasap.

«Biz qalaǵan nátıjege qol jetkizdik», - dedi Túrkııa SІM basshysy Mevlıýt Chavýshoglý.

Túrkııa men AQSh delegatsııalary YPG lańkesteriniń qolynda turǵan aýyr qarýdy jınaýǵa, sondaı-aq, toptyń pozıtsııasy men bekinisterin joıýǵa kelisti. Chavýshoglý «Beıbitshilik qaınary» operatsııasynyń toqtatylatyn málim etti.

AQSh vıtse-prezıdenti Maık Pens Túrkııa men AQSh delegatsııalarynyń Ankaradaǵy kelissózderinen keıin AQSh YPG terrorıstik uıymynyń Sırııanyń soltústigindegi qaýipsizdik aýmaǵynan 120 saǵattyń ishinde shyǵarylýyn qamtamasyz etetinin málim etti.

«Bizdiń maqsatymyz – aldaǵy 120 saǵat ishinde YPG-ni shyǵarý. Atalmysh protsess bastalyp ketti», - dedi saıasatker.

Ol YPG Vashıngtonǵa óz kúshterin aımaqtan shyǵarýǵa kepildik bergenin atap ketti.

Sondaı-aq, Pens Túrkııa men AQSh Sırııanyń soltústik-shyǵysyndaǵy DAISh-ty túpkilikti joıý máselesi boıynsha ortaq pikirge kelgenin atap ótti.

Vıtse-prezıdenttiń aıtýynsha, Sırııanyń soltústik-shyǵysynda atys toqtatylǵan jaǵdaıda AQSh Túrkııaǵa qatysty shekteý sharalaryn joıý máselesin qarastyrady.