Ankara men Damask Sırııadaǵy sońǵy oqıǵalardy talqylady
ASTANA. KAZINFORM — Túrkııa prezıdenti Rejep Taııp Erdoǵan Sırııa prezıdenti Ahmed ash-Sharaamen telefon arqyly sóılesti, dep habarlaıdy Anadoly agenttigi.
Bul týraly Túrkııa prezıdenti ákimshiligi janyndaǵy Baılanys basqarmasynyń basshysy Býrhanettın Dýran Túrkııanyń NSosyal áleýmettik platformasyndaǵy paraqshasynda habarlady.
Kelissóz barysynda ekijaqty qarym-qatynastardyń qazirgi jaı-kúıi men Sırııadaǵy sońǵy oqıǵalar talqylanǵan.
Prezıdent Erdoǵan Túrkııanyń Sırııanyń aýmaqtyq tutastyǵyna, birligine, turaqtylyǵyna jáne qaýipsizdigine erekshe mán beretinin atap ótti.
Túrkııa basshysy bul el aýmaǵyn terrorızmnen tolyq tazartý Sırııa úshin ǵana emes, búkil óńir úshin de asa mańyzdy ekenin aıtty.
Túrkııa prezıdenti Ankaranyń Damaskke, eń aldymen terrorızmge qarsy kúres baǵytynda, qoldaýdy keńeıte beretinin jetkizdi.
Buǵan deıin Sırııa prezıdenti kúrdterdiń quqyqtary týraly jarlyqqa qol qoıdy.
Eske sala keteıik, AQSh prezıdenti Donald Tramp Túrkııa prezıdenti Rejep Taııp Erdoǵandy Gaza sektorynyń qalpyna keltirilýi men qaýipsizdigin qamtamasyz etýge arnalǵan «Beıbitshilik keńesiniń» quryltaıshy múshesi bolýǵa shaqyrǵanyn jazdyq.