Ankara 2026 jyly túrki áleminiń týrızm astanasy bolady
ASTANA. KAZINFORM — Ankara túrki áleminiń 2026 jylǵy týrıstik astanasy bolyp tańdaldy. Bul týraly Túrkııanyń Mádenıet jáne týrızm mınıstri Mehmet Nýrı Ersoı málimdedi.
Tıisti sheshim Túrki memleketteri uıymynyń (TMU) týrızm mınıstrleriniń 10-otyrysynda qabyldandy. Uıymǵa Ázirbaıjan, Qazaqstan, Qyrǵyzstan, Túrkııa jáne Ózbekstan kiredi. Túrkimenstan men Vengrııa baqylaýshy mártebesine ıe.
— Ankara baı muralary, murajaılary, mádenı oryndary jáne mádenı ártúrliligimen túrki áleminiń ortaq jadyn kórsetetin sırek qalalardyń biri, — dedi ol.
Onyń aıtýynsha, Anadoly jeriniń qaq ortasynda ornalasqan bul kóne astana endi Túrkııanyń ǵana emes, búkil túrki áleminiń mádenı jáne týrıstik kórmesine aınalady.
— Biz 2026 jyly Ankarany birge asha túsemiz jáne astanamyzdyń qundylyqtaryn baýyrlas halyqtarmen biriktirýdi jalǵastyramyz, — dedi Ersoı.
Bıyl túrki áleminiń týrıstik astanasy Qyrǵyzstandaǵy Jalal-Abad qalasy boldy.
Eske sala keteıik, Túrki memleketteri uıymynyń beıresmı sammıtinde birqatar qujat qabyldanǵany jaıly jazǵan edik.