«Ańyzdar oıyny»: Qazaqstan men álem quramasy teń tústi

ASTANA.KAZINFORM - Qazaqstan fýtboly kúnine oraı álem jáne Qazaqstan fýtbolynyń ańyz oıynshylary kezdesýi aıaqtaldy.

Bul match 25 sáýir - Qazaqstan fýtbolynyń kúnine oraı uıymdastyrylyp otyr. Oǵan Qazaqstan fýtbol federatsııasynyń qoldaý bildirdi.

Kezdesý basynan qazaqstandyq fýtbolshylardyń belsendiligi baıqalyp turdy. Qarsylas qurama qaqpasy mańynda jıi boı kórsetti. Osyndaı sátterdiń birinde shabýylshy Murat Tileshev portýgaldyq qaqpashy Vıtor Baııadan aılasyn asyra alǵan joq.

Esesine kóp uzamaı qazaqstandyq fýtbolshylar óz qaqpasyna gol jiberip aldy. Ony ıspanııalyq Gaı́ska Mendéta óziniń enshisine jazdy.

Ekinshi kezeńde otandastarymyz tarazy basyn teńestirýge umtyldy. Nátıjesinde Azat Nurǵalıev óz múmkindigin múlt jibergen joq. Ol taǵy bir sátte mergendigin tanytyp, óz quramasyn alǵa shyǵardy.

Odan keıin Davıd Lorııa qorǵaǵan Qazaqstan fýtbolynyń ańyzdary quramasy qaqpasyna penaltı belgilendi. Ony bolgarııalyq burynǵy shabýylshy Dımıtr Berbatov sheber oryndaı bildi.

Osylaısha joldastyq kezdesý 2:2 esebimen teń aıaqtaldy.

Aıta ketsek, atalǵan kezdesýge álem ańyzdary sapynda Vıtor Baııa (Portýgalııa), Marko Materatstsı (Italııa), Haver Dzanettı (Argentına), Krıstıan Dzakkardo (Italııa), Dýglas Maıkon (Brazılııa), Djeı-Djeı Okocha (Nıgerııa), Dımıtar Berbatov (Bolgarııa), Serjıno (Brazılııa), Klod Makelele (Frantsııa), Halılý Fadıga (Senegal), Klarens Zeedorf (Nıderland), Esteban Kambıasso (Argentına), Gaıska Mendeta (Ispanııa), Fernando Morentes (Ispanııa) keldi.