Angolanyń munaı mınıstri eldiń OPEK-ten shyǵatynyn málimdedi
Sheshim Angola prezıdenti Joao Loýrencho bastaǵan mınıstrler keńesiniń otyrysynda qabyldandy. Kazinform bul týraly TASS jańalyqtaryna silteme jasap habarlaıdy.
Angolanyń OPEK-ten shyǵatynyn eldiń Munaı, gaz jáne mıneraldy resýrstar mınıstri Dıamontıný Azevedý málimdedi.
«Bul sheshim uıymǵa qatysýdan «nátıje bolmaǵandyqtan» jáne munaı óndirý kvotalary boıynsha kelispeýshilikter týyndaýymen baılanysty», -dedi ol.
Sheshim Angola prezıdenti Joa Loýrencho bastaǵan mınıstrler keńesiniń otyrysynda qabyldandy.
Mınıstrdiń aıtýynsha, bul eldiń OPEK-tiń óndirý kvotalarymen kelispeýimen baılanysty.
«Osy ýaqytqa deıin biz kvotanyń paıdasyn kórgen joqpyz, eger biz OPEK-te qala beretin bolsaq, óndiris kvotasyn saqtaý týraly sheshimniń saldarynan zardap shegetin edik. Odan keıin Angola óndiristi qysqartýǵa májbúr bolatyn edi», - dedi D.Azevedý.
«Biz uıymdarǵa aqyryn kirip, úndemeı shyǵyp ketý úshin múshe bolmaımyz. Kerisinshe barynsha belsendilik tanytyp, úles qosqymyz keledi. Bizdiń áreketimiz eshqandaı nátıje bermese, onda biz uıym úshin eshteńe istep jatqan joqpyz degendi bildiredi», - dep keltiredi Jornal de Angola mınıstrdiń sózin.
