Angoladan elge qaıtýyna kómekteskeni úshin Qazaqstan azamaty QR SІM-ine alǵys aıtty
ASTANA. QazAqparat - Qazaqstandyq azamat Sergeı Bykov QR Syrtqy ister mınıstri Erlan Ydyrysovtyń resmı blog-tuǵyrnamasynda otandyq dıplomattardyń Angoladan elge qaıtýyna kómekteskeni úshin alǵys bildirdi.
«Men Afrıkadaǵy Angolada jumys vızasyn kútip eki aıdan astam ýaqyt jattym... Tólqujatym bolmasa da elge oralýyma kómektesken barlyq dıplomattarǵa alǵys aıtqym keledi. Aıtap aıtar bolsam, OAR-daǵy QR konsýl Ernur Tuıaqbaevqa, QR elshisi Talǵat Qalıevke jáne «qaıtý hatyn» resimdeýge qatysqan basqa da barlyq adamdarǵa rızashylyǵym sheksiz. Men olardyń ózime degen qamqorlyǵyn jáne kómektesýge yntalylyǵyn anyq sezindim. Barlyqtaryńyzǵa myń alǵys jáne otbasylaryńyz ben jumys barystaryńyzǵa tek sáttilik tileımin! Qurmetpen, Sergeı Bykov», dep jazdy ol.
Óz kezeginde E. Ydyrysov sheteldegi qazaqstandyqtar men olardyń múddesin qorǵaý syrtqysaıası vedomstvo qyzmetkerleriniń barlyǵynyń paryzy ekenin jazdy.
«Іzgi sózderińiz ben tilekterińizge kóp rahmet. Biz sizdiń rızashylyq sózderińizdi OAR-daǵy QR Elshisi Talǵat Qalıev pen konsýl Ernur Tuıaqbaevqa jáne sol elde óz mindetterin adal atqaryp jatqan basqa da qyzmetkerlerge jetkizemiz. Qazaqstannyń syrtqysaıası vedomstvosy sheteldegi qazaqstandyqtar men olardyń múdesin qorǵaýǵa erekeshe mán beredi. SІM óz jumysyn atqarý kezinde bizdiń azamattarymyz jaýapkershilik tanytyp, konsýldar aıtqan barlyq tapsyrmalardy tııanaqty oryndasa, birlesken eńbektiń nátıjesi odan saıyn jemisti bolady. Biz qyzmetkerlerimizdiń sizge qıyn sátte kómektese alǵanyna óte qýanyshtymyz. Bolashaqta siz shetelde osyǵan uqsas qıynshylyqtarǵa tap bolmaısyz dep senemiz», - dedi mınıstr.
