Angolada OPEK sessııasy ótedi
ASTANA. Jeltoqsannyń 21-i. QazAqparat Angolada Munaı eksporttaýshy elder uıymynyń (OPEK) sessııasy bastalady.
Bul týraly «Azattyq» radıosy habarlady.
Sessııada shıkizatty óndirý kvotasyn, osydan bir jyl buryn belgilengen qazirgi deńgeıde saqtaý týraly sheshim qabyldanady dep kútilýde. Daǵdarys saldarynan shıkizattyń álemdik baǵasynyń kúrt quldyraýy saldarynan, sol joly munaı óndirý kvotasy edáýir qysqartylǵan bolatyn.
75 dollar/barrel shamasyndaǵy baǵanyń qazirgi deńgeıin kartelge múshe elderdiń kóbisi ońtaıly dep sanaıdy.
OPEK sessııasy uzaq jyldar boıǵy azamattyq soǵystan keıin endi bas kóterip, munaıdyń álemdik naryǵyndaǵy jetekshi oıynshylardyń birine aınalǵan Angolada alǵash ret ótkeli otyr.
