Angola prezıdenti 40 jyldan soń bılikten ketýdi uıǵardy
ASTANA. QazAqparat - 40 jyl boıy eldiń bılik basynda bolǵan Angola prezıdenti Joze Edýardý dýsh Santýsh, 2018 jyly bolatyn prezıdenttik saılaýǵa qatyspaıtyndyǵyn málimdedi.
«Men bılikten ketýdi, sóıtip 2018 jyly saıası ómirimdi aıaqtaýdy uıǵardym», - dedi 73 jastaǵy saıasatker eldiń bıliktegi partııasyna joldaǵan óz úndeýinde.
Dýsh Santýsh 1978 jyldyń qyrkúıeginen beri prezıdenttik laýazymda. Ol budan buryn óziniń saıası mansabyn 2001 jyly aıaqtaýdy málim etken bolatyn. Biraq kezekti ret qaıta saılanyp, bılik basynda qalǵan edi.
Eske sala ketsek, Angola álemde munaıdy eksportqa shyǵarý kóleminen ekinshi orynda. Al munaı baǵasynyń quldyraýy bul eldiń ekonomıkasyna qatty áser etti, dep habarlaıdy Bı-bı-sı.
