Anglııanyń joǵarǵy soty Іlııas Hrapýnovtyń aktıvterin paıdalanýǵa tyıym saldy
ASTANA. QazAqparat - Muhtar Ábilıazovtyń kúıeý balasy Іlııas Hrapýnovqa qatysty 2015 jylǵy 17 shildede shyǵarylǵan aktıvterdi paıdalanýǵa tyıym salý týraly aralyq sot buıryǵyn Anglııa Joǵarǵy soty 11 aqpanda rastady.
Bul týraly forbes.kz. jazady.
Osy sot buıryǵy Muhtar Ábilıazovqa aǵylshyn sotynyń buıryqtaryn jáne budan buryn Muhtar Ábilıazovqa qarsy shyǵarylǵan aktıvterdi paıdalanýǵa tyıym salý týraly sot buıryqtaryn buzyp, onyń aktıvterine ıelik etýde Muhtar Ábilıazovqa járdemdeskeni úshin aıyptaý boıynsha Іlııas Hrapýnovqa qarsy berilgen BTA Banktiń talaparyzyn qoldaıdy.
Ótken jyly shildede shyǵarylǵan aktıvterdi tutqyndaý týraly buıryq kúshinde qalady jáne azamat Ábilıazov úshin ne onyń jeke atynan azamat Hrapýnov baqylaıtyn aktıvter boıynsha mámileni shekteıdi.
Tıisinshe, úshinshi tulǵalar olar banktiń kelisiminsiz nemese aǵylshyn sotynyń odan ári ókiminsiz onyń baqylaýyndaǵy aktıvterge qatysty azamat Hrapýnovpen jumys istemeýi tıis ekeni habardar etildi.
«BTA Bank aǵylshyn sotynda Hrapýnovqa qatysty usynylatyn bank talaparyzy negizdi ekenin sátti kórsetti jáne aǵylshyn soty bul talaparyzdardy qaraý úshin oǵan qatysty quzyretke ıe. Banktiń pikirinshe, aǵylshyn sotynyń bul tanýy Іlııas Hrapýnovty Aǵylshyn soty shyǵarǵan aktıvterdi paıdalanýǵa tyıym salý týraly buıryqtaryn oryndaýdan jaltarý maqsatynda Muhtar Ábilıazovpen sóz baılasqany úshin jaýapkershilikke tartýǵa yqpal etedi.
Bul sheshim BTA Banktiń M. Ábilıazov urlaǵan mıllıardtaǵan dollar qarajatty qaıtarýyna umtylýyna mańyzdy qadam bolyp tabylady. Bul Aǵylshyn sotynyń buıryqtaryn buzýǵa Ábilıazovqa járdemdesetin barlyq tarap úshin eskertý bolmaq, olar qaıda bolsa da, jazasyz qalmaıtyndyqtaryn kórsetedi», - delingen baspasóz paraǵynda.
