Anglııanyń Joǵarǵy soty Ábilázovtyń Ulybrıtanııadaǵy menshigin satý týraly úkim shyǵardy
ALMATY. 22 mamyr. QazAqparat - Anglııanyń Joǵarǵy soty KPMG basqarýshy kompanııasyna Muhtar Ábilázovke tıesili Ulybrıtanııa aýmaǵynda ornalasqan «lıýks» sanatyndaǵy úsh jyljymaıtyn múlik nysanyn satýǵa quqyq beretin sońǵy úkimdi shyǵardy.
BTA banktiń baspasóz qyzmetiniń habarlaýynsha, atalmysh sheshim M. Ábilázovtiń Dırektorlar keńesiniń tóraǵasy laýazymynda bolǵan kezeńinde bankten zańsyz shyǵarylǵan aktıvterdi qaıtarý maqsatynda «BTA Bank» AQ-nyń talap-aryzy boıynsha qabyldandy.
Sot sheshimimen kelesi jyljymaıtyn múlik nysandary satylymǵa jatady: Londonnyń soltústik bóligindegi Bıshop avenıýda ornalasqan Carlton House atty záýlim úı. Ol qabyldaýlarǵa arnalǵan 15 metrlik zaldan, kitaphanadan, 9 jatyn bólmeden turady, aýmaǵynda basseın men 12 adamǵa arnalǵan túrik monshasy bar. Ekinshisi, Oaklands Park dep atalatyn Vındzor qalasynda ornalasqan aýdany 40 gektardan asatyn jer telimi. Onda 8-úı, tálimbaq, tennıs korttary, kólder, orman alaby men tikushaq alańy bar.Úshinshisi, Albert's Court degen ataýmen belgili Londondaǵy Sent-Djons-Výd aýdanynda ornalasqan kúzetiletin ǵımaratta ornalasqan páter.
