Anglııanyń ońtústiginde iri slanets munaıy kenishi tabyldy
ASTANA. QazAqparat - Brıtandyq geologtar Anglııanyń ońtústiginde iri slanets munaı kenishin ashty dep habarlady ITAR-TASS.
«Slanets munaıy batystaǵy Veımýt qalasynan shyǵystaǵy Dývrǵa deıin 350 shaqyrymǵa sozylyp jatyr», dep habarlady búgin Sandy Times gazeti.
Keıbir mamandardyń pikirinshe, kenish kólemi «Soltústik teńizde astandaǵy munaı qorynyń úshten birine» teń bolýy múmkin. Degenmen bul baǵalaýlardy testilik burǵylaý barysynda qýattaý qajet.Keıbir esepteýlerge qaraǵanda, ońtústikaǵylshyn kenishiniń qory 15 mlrd. barrelge jetýi múmkin.
Budan buryn geologtar Anglııanyń soltústiginen iri slanets gazy kenishin tapqan bolatyn. Brıtandyq energetıka jáne klımattyń ózgerýi mınıstrliginiń baǵalaýynsha, ol taıaýdaǵy 40 jyl boıy Ulybrıtanııanyń gazǵa suranysyn tolyq qamtamasyz etedi.
