Anglııanyń fýtbol quramasy resmı demeýshisinen aıyryldy
ASTANA. Shildeniń 20-sy. QazAqparat - Osy ýaqytqa deıin Birikken Koroldiktiń tórt ulttyq quramasyn qarjylandyryp kelgen brıtan qurylys qoǵamy (Nationwide Building Society), Anglııa fýtbol komandasymen demeýshilik kelisim-shartty uzartpady, dep habarlaıdy RBK.
«Úsh jolbarystyń» resmı demeýshisiniń kelisim-shartty uzartpaýy, onyń 11 jyl boıǵy Anglııa fýtbol qaýymdastyǵymen (FA) baılanysy óz máresine jetti degendi bildirmek. Fýtbol qaýymdastyǵy aı saıyn qurylys qoǵamynan 20 mln. fýnt sterlıng (31 mln. dollar) alyp otyrdy.
Nationwide Building Society kompanııasy aǵylshyn ulttyq quramasynan bólek, Ýels, Shotlandııa men Soltústik Irlandııanyń komandalaryn da qarjylandyryp otyrdy.
Álemdegi iri qurylys qoǵamynyń somalyq aktıvteri 202,3 mlrd. fýnt sterlıngti (317,8 mlrd. dollar) quraıdy.
