«Anglııaǵa» degen mekenjaıy ǵana jazylǵan ashyq hat dittegen jerine jetkizildi
ASTANA. QazAqparat - Rojdestvolyq quttyqtaý jazylyp, syrtynda «Anglııa» degen jazýy ǵana bolǵan hat Glostershır graftyǵyndaǵy alýshyǵa jetkizildi.
Bul hatty alýshy Pol Bıggs oǵan poshtashy esik qaǵyp, Bıtbýrg qalasyndaǵy nemis dostary joldaǵan quttyqtaý ashyqhatyn ákelgende tańdanysyn jasyrmady.
«Buǵan sený qıyn. Konverttiń mekenjaıynda eldiń ataýy - Anglııa ǵana kórsetilgen jáne ol Bıtbýrgtegi poshta bóimshesinen jiberilgeni ǵana jazylǵan», - dedi tańdanǵan hatty alýshy.
Royal Mail poshta kompanııasy «mekenjaıdy anyqtaıtyn detektıvteri» bolǵanymen, bul jaǵdaı joǵary kásibı biliktilikti aıǵaqtaıtynyn málimdedi.
Bıggstiń aıtýynsha, hatty onyń dostary dúısenbi kúni jibergen, al ol sársenbi kúni tańerteń jetkizilgen.
«Ol maǵan poshtamdy bere otyryp, «Germanııadan eshteńe kelmeýshi me edi?» dep surady, men: «Múmkin. Onda bizdiń dostarymyz bar», dep jaýap berdim», - deıdi Bıggs.
Ol maǵan «Myna hatty qarańyzshy» dedi. Qarasam, onyń keri mekenjaıynda dostarymyz kórsetilgen. Al betinde «Anglııa» degen sóz ǵana jazylǵan.
Bıggstiń aıtýynsha, konvert ashylmaǵan.
«Men «bul hattyń maǵan arnalǵanyn qalaı bildińder?», dep suradym. Ol: «Men bul hatpen úı-úıdi aralap shyqtym» dep jaýap qaıtardy», - deıdi Bıggs.
«Biz áıelimiz ekeýmiz tańǵaldyq, endi biz poshta qyzmetin joǵary baǵalaıtyn bolamyz jáne bul oqıǵa bizge rojdestvolyq syılyq boldy», - dedi ol.
Áýelde konvertte tolyq mekenjaı jazylǵan tárizdi, sonyń arqasynda Anglııanyń tıisti jerine jetken, biraq ta keıinnen mekenjaı jazylǵan stıkerdiń jelimi ashylyp, ushyp ketken, dep habarlaıdy Bı-bı-sı.
