Anglııadaǵy alapat tasqyn joldardy shaıyp, bógetti buzyp ketti
NUR-SULTAN. QazAqparat – Anglııanyń soltústiginde toqtaýsyz jaýǵan nóser jańbyr alapat sý tasqynyna soqtyrdy. Keı aýdandarda kólik jáne temirjol qatynasy toqtatyldy, dep habarlaıdy VVS.
Ásirese, Cheshır graftyǵy qatty zardap shekti. Mundaǵy keıbir eldi mekenderde dúkender men mekemeler jabyq, josparlanǵan sharalar men jazǵy festıvaldar keıinge qaldyryldy.
Keıbir jerlerde adamdar sý basqan ǵrmarattarda shyǵa da almaı qaldy. Kóbirek zardap shekken aýdandardyń turǵyndaryn órt sóndirýshiler evakýatsııalap jatyr.
Eldiń soltústik batysyndaǵy tolassyz jaýǵan nóser jańbyr ótken jeksenbide jáne dúısenbide bastalǵan edi. Ulybrıtanııa meterologııalyq qyzmetiniń derekterine qaraǵanda, tek sársenbide túske deıin jaýǵan jańbyr mólsheri 19 mıllımetrge jetken.
Tasqyn sý Ýeılı Brıdj qalasyna jaqyn Derbıshır graftyǵy aýmaǵyndaǵy Toddbrýk sý qoımasyń bógetiniń keıbir jerlerin buzyp ketken. Polıtsııa Bakston men Beıkvell qalalary arasyndaǵy kúre joldyń ýchaskesin jaýyp, Bakston turǵyndaryna evakýatsııaǵa daıyn bolýdy surady.
