Anglııada jarylys: 2 adam aýyr halde jatyr
ASTANA. QazAqparat - Jeksenbi kúni Lesterdegi shaǵyn azyq-túlik dúkeninde bolǵan qatty jarylystan alty adam zardap shekti, dep habarlaıdy Telegraph.
Bul týraly Anglııanyń Shyǵys Mıdlend óńirindegi jedel járdem qyzmetiniń Twitter-de jarııalaǵan habarlamasynda aıtylǵan.
«Tótenshe jaǵdaı bolǵan jerden Lester Koroldigi aýrýhanasyna jetkizilgen 6 adamnyń 2-ýi aýyr halde», - delingen habarlamada. Jarylys bolǵan jerde izdeý-qutqarý jumystary júrgizilip jatyr.
Jarylys saldarynan eki qabatty ǵımarat tolyqtaı qıraǵan. Osy ǵımarattyń birinshi qabatynda azyq-túlik dúkeni ornalasqan. TJ kezinde dúkende nemese páterlerde qansha adamnyń bolǵany ázirge belgisiz.
Sky News telearnasy quqyq qorǵaý organdaryna silteme jasap habarlaǵandaı, tergeýdiń aldyn ala qorytyndysy boıynsha bolǵan oqıǵa lańkestik áreketpen baılanysty emes.
Foto: © EPA-EFE/TIM KEETON
