Anglııada úsh kishkentaı qyzdy óltirgen qylmyskerge qatysty úkim shyqty
ASTANA. KAZINFORM - Saýtportta úsh qyzdy óltirdi dep aıyptalǵan er adam 50 jyldan artyq merzimge bas bostandyǵynan aıryldy, dep jazady Euronews.
Buǵan deıin Anglııanyń Saýtport qalasynda bı sabaǵy kezinde úsh qyzdy óltirip, taǵy 10 adamdy jaralaǵan 18 jastaǵy Aksel Rýdakýbana barlyq aıypty moıyndaǵan bolatyn. Ol kem degende 52 jylǵa bas bostandyǵynan aıryldy.
Sýdıa Djýlıan Gýs shartty túrde merziminen buryn bosatýsyz ómir boıyna bas bostandyǵynan aıyrý jazasyn taǵaıyndaı almaıtynyn aıtty. Óıtkeni qylmys jasalǵan kezde Rýdakýbana 18-ge tolmaǵan jáne ol óz kinásin moıyndaǵan.
Rýdakbýana shilde aıynda Saýtport qalasynda balalarǵa shabýyl jasaǵanda 17 jasta bolǵan. Shamamen 15 mınýtqa sozylǵan shabýyl kezinde ol 9 jasar Alısa Dasılva Agıardy, 7 jasar Elsı Dot Stankombty jáne 6 jasar Bebe Kıngti óltirip, taǵy segiz bala men eki eresek adamdy jaralady.
Qaıtys bolǵan qyzdardyń bireýinde 122, ekinshisinde 85 jaraqat bolǵan.