Anglııada temekiqumarlar sany kúrt azaıdy
ASTANA. QazAqparat - Statıstıkalyq málimetter boıynsha, aǵylshyndyq temekiqumarlardyń kópshiligi elektrondy shylymǵa kóship jatyr, al, keıbiri nıkotınnen múldem bas tartýda.
Anglııadaǵy shylymqorlar sany rekordtyq tómen deńgeıge jetti. Brıtandyq densaýlyq saqtaý mınıstrliginiń málimetterine sáıkes, 2015 jyly eresek aǵylshyndardyń 16,9 paıyzy shylym shegetinderin aıtqan. Al, bul kórsetkish 2012 jyly 19,3 paıyz bolǵan edi, dep jazdy VVS Reseı qyzmeti.
Sarapshylardyń aıtýynsha, «dástúrli» temekiqumarlardyń kópshiliginiń zııandy ádetten arylýlaryna elektrondy shylym kómektesken.
Ótken jyly 2,5 mıllıon adam temekini qoıýǵa bel býǵan jáne onyń 20 paıyzy shylymnan túbegeıli bas tartty. Alty jyl buryn Anglııada jeti adamnyń biri ǵana temekiden bas tarta alǵan.
Mıllıonǵa jýyq anglııalyq elektrondy temekini paıdalanatynyn aıtqan. Mamandardyń málimetterinshe, 28 kún boıy shylym shekpegen adam zııandy ádetti túpkilikti qoıyp kete alady.
