Anglııada sýtegi otynyn quıatyn alǵashqy beket iske qosyldy
ASTANA. QazAqparat - Londonda sýtegi otynyn quıatyn alǵashqy avtonomdy beket iske qosyldy, dep habarlady www.24.kz.
Bul qurylym qubyr arqyly keletin sý men jańartylmaly energııa kózderi negizinde jumys isteıdi. Al artylǵan energııany qalalyq jelige jetkize alady. Jalpy, Brıtanııada ázirge kóliktiń tek 3 túri ǵana bul otynǵa arnalǵan qozǵaltqyshpen jabdyqtalǵan. Onyń ózinde suranys asa kóp emes. Mamandar bul jaǵdaıǵa qajetti ınfraqurylymnyń joqtyǵy sebep deıdi. Endi kelesi jyldyń sońyna deıin Ulybrıtanııada sýtegi otynyn quıatyn 12 jańa beketti iske qosý jospary bar.
«Kólikke sýtegi otynyn quıýǵa nebári 3 mınýt ketedi. Sonyń arqasynda temir tulparyńyz shamamen 500 shaqyrym qashyqtyqty eńsere alady. Elektr kólikterine tán shekteýler de joq», - deıdi energetıkalyq kompanııanyń atqarýshy dırektory Grehem Kýlı.
