Anglııada Stradıvarıdiń urlanǵan skrıpkasy tabyldy
ASTANA. 30 shilde. QazAqparat - Brıtan kólik polıtsııasy Stradıvarıdiń urlanǵan skrıpkasy onyń ıesi, koreılik skrıpkashy Mın Chın Kımge qaıtarylǵanyn habarlady. Bul týraly búgin polıtsııa saıtynda málim etilgen, dep habarlady Lenta.rý.
Skrıpka ótken aptada Mıdlendýs aımaǵynda tabylǵan. Qazirgi kezde ol qaýipsiz jerde saqtalýda, dep naqtylady polıtsııa.
Skrıpkamen birge urlanǵan ysqylar da tabyldy, olardyń jalpy quny 102 myń dollardan asady.
2011 jyly osy urlyqqa baılanysty Djon Mogan, sondaı-aq taǵy eki jasóspirim tutqyndalyp, aıypty dep tanylǵan bolatyn. Alaıda aspaptyń ózi ushty-kúıli tabylmaı ketken bolatyn. Mın Chın Kım osy sırek kezdesetin mýzykalyq aspapty 2010 jyly Londonnyń soltústiginde dámhanada urlatyp alǵan.
1696 jyly Antonıo Stradıvarı jasaǵan skrıpka 1,8 mıllıon dollarǵa baǵalanady. Italıandyq sheberdiń skrıpkasy mýzyka áleminde sapasy men dybystalýy jaǵynan joǵary baǵalanady. Álemde Stradıvarı jasaǵan barlyǵy 500-ge tarta skrıpka saqtalǵan.
