Anglııada poıyzda belgisiz bireý adamdarǵa pyshaqpen shabýyldap, 10 adam jaraqat aldy

ASTANA. KAZINFORM - Anglııanyń Kembrıdjshır graftyǵynda bilgisiz bireý adamdarǵa pyshaqpen shabýyldap,10 adam jaraqat aldy, dep habarlaıdy BBC.

Oqıǵa senbi kúni keshkisin Kembrıdjshır graftyǵynda Anlııanyń soltústik-shyǵysyndaǵy Donkaster qalasynan Londondaǵy King's Cross vokzalyna ketip bara jatqan poıyzda bolǵan.

Oqıǵa týraly habardar bolysymen tótenshe jaǵdaılar qyzmetiniń ókilderi oqıǵa ornyna, ıaǵnı, Kembrıdjshırdegi Hantıngdon stantsııasyna jınaldy. Poıyz bul stantsııaǵa jospardan tys toqtaǵan bolatyn.

Polıtsııa 9 adamnyń aýyr jaraqatpen aýrýhanada jatqanyn habarlady. Taǵy bir adam aýrýhanada jaraqatyn emdetip jatyr, onyń ómirine qaýip tónip turǵan joq.

Osy oqıǵaǵa baılanysty kúdikti retinde eki adam tutqyndaldy.

Tergeý terrorızmge qarsy bólimshe qyzmetkerleriniń qatysýymen júrgizilip jatyr. Polıtsııa bul aýdanda poıyzdardyń toqtatylǵanyn habarlady. Sonymen qatar kólik qozǵalysyna da shekteý qoıylǵan.

Osyǵan deıin quzyrly organdar Anglııada 14 jasar qyzdy qorlaǵan qylmyskerdi qatelikpen bosatyp jibergeni týraly habarladyq.