Anglııada naýqastar óz tisin ózi julýǵa májbúr
LONDON. KAZINFORM - Anglııadaǵy naýqastardyń kópshiligi ctomatologtiń kómegine júgine almaı qınalyp júr. Ulttyq densaýlyq saqtaý qyzmeti olardy memlekettik joldamamen qamtamasyz etpeı keledi. Ásirese, Sýffolk pen Norfolk sııaqty aımaqtardyń turǵyndary azap shegýde.
Brıtan Stomatologter qaýymdastyǵynyń málimeti boıynsha, jańadan tirkelgen naýqastardyń 97% Ulttyq densaýlyq saqtaý qyzmetiniń joldamasy arqyly memlekettik tis dárigerine jazyla almaı dal.
Mark Djons - Sýffolk qalasyndaǵy “Cýffolktaǵy tissizder” atty adam quqyqtaryn qorǵaý tobynyń negizin qalaýshysy. Ol bılikti osy alańdatarlyq máselege nazar aýdarýǵa shaqyryp otyr. Djons stomatologııalyq kómektiń tapshylyǵyna baılanysty halyqtyń kún saıyn azap ómir súretinin alǵa tartady.
“Úkimet stomatologııa salasynda reformalar qajettigin túsingenimen, esh áreket etpeıdi”, - dep nalıdy ol.
Jasyldar partııasynyń jetekshisi Adrıan Ramsaı jáne parlament depýtaty Ýeıvnı-Vellı bılikti Ulttyq densaýlyq saqtaý qyzmetimen jumys isteıtin stomatologııalarmen kelisim-sharttardy buzýǵa shaqyrdy. Óıtkeni olar aýyz qýysy densaýlyǵyn saqtaý boıynsha halyqtyń qajettiligin qanaǵattandyrmaıdy.
Úkimettegiler stomatologııa qyzmetin retke keltirý úshin qosymsha 700 myń qabyldaý taǵaıyndaımyz dep ýáde berdi. Biraq halyq bul báribir jetkiliksiz deıdi.
Djons úkimetti jaǵdaı ýshyqpas buryn batyl áreket etýge shaqyrdy.
“Naqty reformalarsyz bos sózdiń paıdasy joq. Stomatologııalyq kómektiń qoljetimsizdigine baılanysty naýqastardyń aýrý tisterin óz betinshe julýdan basqa amaly qalmaı otyr”, - deıdi ol.
