Anglııada konteınerde tunshyqqan mıgranttar bosatyldy
ASTANA. QazAqparat - Anglııanyń Lestershır graftyǵynyń polıtsııasy júk kóliginiń konteınerinde bolǵan 15 zańsyz mıgrantty bosatty. Bul olardyń bireýi - jeti jasar aýǵandyq bala kómek suraǵan sms-habarlama joldaǵan soń bolǵan.
Polıtsııa ókilderi ishinde mıgranttar bolǵan júk kóligi Anglııaǵa frantsııalyq Kale qalasyndaǵy «Djýnglı» dep atalatyn lagerden shyqqanyn habarlady.
Júk kóligi jolǵa shyqpas buryn Help Refugees qaıyrymdylyq uıymynyń músheleri balanyń qolyna qajettilik týyndaǵan jaǵdaıda kómek suraýǵa bolatyn telefon ustatyp jibergen.
Jolda bala qaıyrymdylyq aktsııasy ókilderiniń birine habarlama jiberip, konteınerde tunshyǵyp otyrǵandaryn, al júrgizýshi kómek suraǵanmen esh nazar aýdarmaǵandyǵyn jazdy.
Help Refugees brıtandyq polıtsııamen baılanysqa shyqty, óz kezeginde polıtsııa ókilderi júk kóligin tapty.
Habarlanyp otyrǵandaı, bir adam zańsyz kóshi-qonǵa kómektesý kúdigimen qamaýǵa alyndy. Júk kóliginen bosatylǵan mıgranttardyń jaǵdaıy jaqsy.
