Anglııada kishi sanattaǵy dárigerler ereýilge shyqty
ASTANA. QazAqparat - Anglııada úshinshi kún qatarynan kishi sanattaǵy dárigerler ereýildetip jatyr. Eger úkimet jalaqylaryn kótermese, olar jaz boıy jumysqa shyqpaýdy josparlap otyr, deıdi QazAqparat tilshisi.
Buǵan deıin bolǵan narazylyqtar kezinde 200 myńǵa jýyq naýqas em-domsyz qalǵany belgili. Kásipodaq uıymynyń músheleri úkimettiń usynǵan 5 paıyzdyq ústemaqysy mardymsyz dep málimdedi. Ulybrıtanııada kishi sanattaǵy dáriger dep medıtsınalyq oqý ornyn bitirgen jáne 5 jyldan keıin dáriger bolýǵa talaptanyp júrgen mamandardy aıtady. Olar ulttyq densaýlyq saqtaý qyzmetiniń shamamen 45 paıyzyn quraıdy.
«Jalaqymyzdy 35 paıyzǵa kóterýdi talap etemiz. Bir mezette emes, kezeń-kezeńimen ósirsin. Óıtkeni sońǵy 15 jyl kóleminde tabysymyz ınflıatsııaǵa ilese almaı keledi», deıdi Kásipodaq uıymynyń ókili Sýmı Manırajan.
