Anglııada eki qabatty mektep avtobýsy kópirge soǵyldy
GEMPShIR. QazAqparat – Anglııadaǵy Gempshır graftyǵynda bolǵan jol-kólik apatynda kem degende 16 oqýshy jeńil jáne ortasha aýyrlyqtaǵy jaraqattar alǵan. Beısenbi kúni eki qabatty mektep avtobýsy temirjol kópirine soǵylǵan. Bul týraly graftyqtyń polıtsııasy Facebook paraqshasynda málim etti, dep habarlaıdy QazAqparat.
«Aýyr, biraq aıtarlyqtaı qaýip tóndirmeıtin jaraqat alǵan úsh oqýshy aýrýhanaǵa jetkizildi. Jeńil jaraqat alǵan taǵy 13 oqýshyǵa oqıǵa ornynda kómek kórsetildi», – delingen polıtsııa habarlamasynda.
Sky News telearnasyna kýágerlerdiń aıtýynsha, avtobýs temirjol kópiriniń astyna salynǵan týnnelge soǵylǵan. Soqtyǵysý saldarynan avtobýstyń joǵary jaǵy julynyp ketken.
