Anglııada bir rettik plastık ydystardy qoldanýǵa tyıym salyndy
Jeksenbi kúni Anglııada bir rettik plastmassa ónimderin paıdalanýǵa salynǵan tyıym kúshine endi, dep habarlaıdy QazAqparat BBC arnasyna silteme jasap.
Jańa erejege sáıkes, dúkender men meıramhanalar budan bylaı plastıkalyq as quraldaryn, shar taıaqshalar men polıstırol shynyaıaq qoldana almaıdy.
El úkimetiniń málimdemesine sáıkes, bul shara «plastık qaldyqtary men qorshaǵan ortany lastaý máselesin sheshedi».
Alaıda kóp kompanııalar mundaı ózgeriske áli tolyqqandy daıyn emes.
Úkimet keltirgen statıstıkaǵa sáıkes, Anglııada jyl saıyn shamamen 1,1 mlrd bir ret qoldanylatyn tarelka men tórt mıllıardtan astam plastıkalyq qasyq-shanyshqy paıdalanylady.
Onyń basym bóligi qaıta óńdeýge jaramaıdy jáne olardyń bıologııalyq ydyraýyna júzdegen jyldar qajet bolýy múmkin.
Jeksenbiden bastap elde bir rettik plastmassa tabaqtar, tostaǵandar men basqa da as ishý quraldaryna jańa shekteýler engiziledi.
Qańtar aıynda alǵash ret jarııalanǵan jańa ereje 2042 jylǵa deıin plastık qaldyqtaryn joıý josparyna baǵyttalǵan.
Qorshaǵan ortany qorǵaý mınıstri úkimet plastık tútikshe men maqta taıaqshalaryna tyıym salyp, bir rettik polıetılen paketine alym jáne úlken plastıkalyq qaptama ımportyna salyq engizilgenin aıtty.
