Anglııada borsyqty jappaı atýǵa ruqsat berilýi múmkin
ASTANA. 20 shilde. QazAqparat - Brıtan ókimeti fermerlerge iri qara mal arasyndaǵy týberkýlezben kúresýge kómektesý úshin Anglııanyń ońtústik-batysynda borsyqtardy jappaı atý sharasyn qoldaýǵa ázir.
Biraq mundaı sharaǵa úzildi-kesildi qarsylyq bildirip otyrǵan «jasyldar» sotqa deıin baratyndaryn málim etýde, dep habarlaıdy Bı-Bı-Sı agenttigi.
Buǵan deıin Ýelste borsyqtardy atýǵa ruqsat berilgen edi, biraq Joǵarǵy sot bul sheshimniń kúshin toqtatty.
Іri qara maldyń týberkýlez aýrýyn juqtyrýy eldiń aýyl sharýashylyǵyna jylyna 100 mıllıondaı fýnttyń (160 mıllıon dollar) shyǵynyn ákelýde. Anglııanyń ońtústik-batysyndaǵy fermerlik sharýashylyqtar aýrýdyń taralýyn toqtatý úshin ondaǵan myń maldy etke ótkizýge májbúr bolýda.
Eýropalyq borsyq (Meles Meles) eýropalyq jáne brıtandyq zańdarmen qorǵalatyn ańdardyń biri bolyp tabylady. Biraq úkimet, belgili bir jaǵdaılarda, ańdardy joıýǵa sanktsııa berýge quqyly.
