Anglııada áıelin arqalap júgirý jarysynda amerıkalyq jup jeńiske jetti
ASTANA. QazAqparat - Anglııanyń ońtústik shyǵysyndaǵy Dorkıng qalashyǵynda dástúrge aınalǵan áıelin arqalap júgirý jarysy ótkizildi, dep habarlaıdy Eýronıýs telearnasy.
Jarysqa qatysýshylar oıly-qyrly ári saban salynǵan qaptar qoıylǵan kedergisi bar 380 metr qashyqtyqty 50 keliden kem emes áıeldi kóterip júgirip ótýi kerek.
Jergilikti halyq bul jarystyń tarıhyn skandınavtardyń «kórshi aýyldyń kelinshekterin urlaý» dástúrimen baılanystyrady. Jarystyń bas júldesi - márege jetkizilgen kelinshektiń salmaǵymen teń bir bóshke syra.
Dorkıng jarysynda 7 jyl boıy Londonda turatyn amerıkalyq jup jeńip shyqty. Olar atalmysh qashyqtyqty 1 mınýt 40 sekýndta, ıaǵnı ótken jylǵy kórsetkishterinen 20 sekýnd jyldam jetti. Olar osy jarystan Fınlıandııada ótetin álem birinshiligine daıyndalýda.
