Anglııada avtomobıl turǵyn úıdiń qabyrǵasyn buzyp kirdi
ASTANA. QazAqparat - Anglııanyń Iork qalasynda avtomobıl kirpishten salynǵan úıdiń qabyrǵasyn buzyp, ishke kirip ketti. Osy oqıǵanyń saldarynan 4 adam zardap shekti, dep jazdy búgin utro.ru.
Oqıǵa jeksenbi kúni boldy, «Folksvagen Golf» markili kóligi úıdiń qabyrǵasyn buzyp, qonaqtarǵa arnalǵan bólmege kirip ketken, sosyn órtene bastaǵan. Oqıǵanyń saldarynan kóliktiń júrgizýshisi men eki jolaýshy jáne úıdiń ıesi zardap shekti. Kólik úıdiń qabyrǵasyn buzyp kirgende úı ıesi konaqtarǵa arnalǵan bólmede dıvanda jatqan.
Zardap shekken 4 azamattyń 3-ýi aýyr jaraqat aldy, dep jazady Bı-bı-sı. Polıtsııa bolǵan oqıǵanyń mán-jaıyn anyqtaýda.
