Anglııada álemdegi eń alyp ushaq-dırıjabl qulady
ASTANA. QazAqparat - Álemdegi eń uzyn ushý apparaty Airlander 10 Anglııada synaq ushyrylymy ýaqytynda apatqa ushyrady. Aldyn ala aqparat boıynsha, ushaq-dırıjabl telegraf baǵanyna ilinip qaldy, dep habarlady Bı-Bı-Sı.
Brıtandyq Hybrid Air Vehicles kompanııasy habarlaǵandaı, apat kezinde eshkim zardap shekpedi.
Airlander 10 alǵashqy ushyrylymy ótken aptada sátti ótken bolatyn.
Áýe kemesiniń uzyndyǵy álemdegi eń úlken An-224 "Mrııa" ushaǵynan segiz metrge uzyn.
Apparat salmaǵy 20 tonna. Ony ázirleýshiler ushaq alty shaqyrym bıiktikke kóterile alatynyn, saǵatyna 148 shaqyrymǵa jyldamdyǵyn údete alatynyn aıtty.
Airlander ushaǵyn AQSh úkimeti úshin barlaý apparaty retinde ázirlengen, alaıda joba qorǵanys shyǵystarynyń qysqarýy saldarynan toqtatylǵan.
