Anglııada 68 jasqa qaraǵan shaǵynda reseılik olıgarh Borıs Berezovskıı dúnıeden ótti
ASTANA. 24 naýryz. QazAqparat - 23 naýryzda 68-ge qaraǵan shaǵynda reseılik kásipker, olıgarh Borıs Berezovskıı dúnıeden ótti. Onyń denesi anglııalyq Berkshır graftyǵyndaǵy úıinen tabyldy, dep habarlady reseılik «Jańalyqtar» agenttigi.
Borıs Berezovskıı 90-ynshy jyldardaǵy alasapyran kezinde Reseıde dáýlet jınaǵan atyshýly olıgarh boldy. Reseıde sottalýǵa úkim shyǵarylǵan ol sońǵy jyldarda Londonda turyp, saıası baspana aldy jáne Platon Elenınniń atyna qujattaryn ózgertti. Aldyn ala boljam boıynsha, ol júrek talmasynan kóz jumǵan.
Qazir Berkshır graftyǵynyń polıtsııasy Borıs Berezovskııdiń óliminiń sebepterin tekserýge kiristi.
