Anglııa jaǵalaýynyń úshten bir bóligi sý astynda qalýy múmkin
NUR-SULTAN. QazAqparat – 2050 jylǵa qaraı teńiz deńgeıiniń kóterilýine baılanysty Anglııada turǵyndar 200 myńǵa jýyq jyljymaıtyn múlikti tastap ketýge májbúr bolýy múmkin, dep habarlaıdy QazAqparat tilshisi BBC jańalyqtaryna silteme jasap.
Pol Seıerstiń «Muhıt jáne jaǵalaý aımaqtaryn basqarý» halyqaralyq jýrnalynda jarııalanǵan esebinde teńiz deńgeıiniń kóterilýine baılanysty Anglııa jaǵalaýynyń úshten bir bóligi sý astynda qalady dep habarlanǵan.
Temperatýranyń 2100 jylǵa qaraı 2°C joǵarylaýynan teńiz deńgeıiniń qalypty kóterilýi týyndaıtynyn boljasaq, 2050 jylǵa qaraı 160 000-ǵa deıingi nysanǵa qaýip tónetini atalyp ótti. Qazirdiń ózinde 30-35 myńǵa jýyq ǵımarat qaýipti jaǵdaıda dep tanyldy. Sý basý qaýpi bar ǵımarattardyń kóbi Anglııanyń ońtústik-batysy, soltústik-batysy jáne shyǵysynda ornalasqan.
Zertteýde birinshi ret qorǵanysty jaqsartý quny tym joǵary nemese tehnıkalyq múmkin bolmaıtyn jerler qarastyrylǵan.
Teńiz deńgeıiniń kóterilýi jaǵalaýdy sý basý qaýpin kúsheıtip qana qoımaıdy, sonymen qatar iri tolqyndardyń áserinen erozııaǵa ushyraýyn da jedeldetedi.
Qazir sý tasqyny Túrkııada jáne Ońtústik Afrıkada bolyp jatyr.
