Anglııa plastık aqshaǵa kóshýge daıyndyq ústinde
ASTANA. QazAqparat - Shotlandtyq Klaıdsdeıl banki 2015 jyldyń naýryzynda nomınaly 5 fýnt sterlıng bolatyn 2 mıllıon plastık aqsha shyǵarýǵa ázirlik ústinde.
Bul qarjylyq mekeme shotlandtyq aqsha shyǵarýǵa lıtsenzııasy emıssıondyq bank bolyp tabylady. Kelesi jyly Anglııada plastık aqshanyń aınalymǵa engizilýine sáıkes bul bank plastık bestiktiń shekteýli serııasyn shyǵarýdy josparlap otyr.
Polımer materıaldan jasalǵan jańa banknottarda Shotlandııadaǵy Fert shyǵanaǵy arqyly ótetin kópir beınelenedi. Kelesi jyly atalǵan nysannyń salynǵanyna 125 jyl tolmaq. Álemde 20-dan astam elde plastık aqsha aınalymǵa engizilgen. Mamandardyń aıtýynsha, mundaı aqshany qoldan jasaý óte qıyn ári olardyń tozý ýaqyty da uzaǵyraq. Ulybrıtanııada mundaı aqsha jańalyq emes. 1999 jyly Soltústik Irlandııada nomınaly 5 fýnt sterlıng bolatyn banknot aınalymǵa engizilgen bolatyn. Eń alǵash plastık aqsha 1983 jyly Men aralynda paıda bolǵan edi. Alaıda, boıaýdyń durys jaǵylmaýyna baılanysty 1988 jyly atalǵan banknot aınalymnan shyǵarylǵan bolatyn.
