Anglııa men Ýelstegi sý kompanııalary tutynýshylarǵa aqsha qaıtarýǵa mindetteldi

LONDON. KAZINFORM - Ulybrıtanııanyń aýyz sýmen qamtıtyn kompanııalary sapasyz qyzmet kórsetip, qorshaǵan ortany lastap kelgen. Sondyqtan Ofwat retteýshi organy kelesi jyly olardan tutynýshylarǵa 158 mıllıon fýnt qaıtarýdy talap etip otyr, dep habarlaıdy Kazinform.

Osylaısha kompanııalar tórtinshi jyl qatarynan óz tutynýshylaryna qaryz bolyp otyr. Bastapqyda bul iri soma bolyp kóringenimen, halyq aldaǵy jyly sýǵa bar bolǵany 10 fýntqa azyraq tóleıdi.

Bereshegi eń kóp kompanııa - Thames water tutynýshylarǵa 56,8 mıllıon fýnt qaıtarýy tıis. Degenmen onyń sapa kórsetkishteri ótken jylmen salystyrǵanda jaqsarǵan.

Ofwat bas dırektory Devıd Blek kompanııalardyń basshylaryn qyzmet sapasyn odan ári jaqsartýǵa shaqyrdy. Óıtkeni olarǵa degen halyq narazylyǵy ósken.

Aıta ketý kerek sý kompanııalarynyń jumystarynda ilgerileýshilik baıqalady. Qatań baqylaýdyń nátıjesinde 2020 jyldan beri qorshaǵan ortany lastaý 15%-ǵa azaıyp otyr. Biraq qýanýǵa áli erte deıdi mamandar.

Ofwat – Anglııa men Ýelstegi sý jáne sý aǵyndylaryn ekonomıkalyq turǵyda retteıtin organ. Ol sý kompanııalarynyń tutynýshylarǵa sapaly qyzmet kórsetýin qamtamasyz etip, ekologııalyq standarttardy saqtaýyn qadaǵalaıdy.