Anglııa men Ýelste «Henk» dúleı daýyly kóterildi

Anglııa men Ýelstiń biraz bóligin «Henk» dúleı daýyly sharpydy. Nóser jaýyn men qatty jel turǵyndardy jaryqsyz qaldyryp, sý tasqyny kólik qatynasyn úzdi, dep habarlaıdy Kazinform tilshisi. 

Jeldiń jyldamdyǵy saǵatyna 130 shaqyrymǵa deıin jetip, halyqty ábigerge túsirdi.

Resmı derekterge sáıkes, júzdegen myń abonent daýyldyń saldarynan elektr qýatynsyz qalǵan. Avtokólik jáne temirjoldardy sý basyp, jolaýshylar dittegen jerlerine jete almaı jatyr.

Metereologııalyq basqarma qaýiptiliktiń sary deńgeıin jarııalap, halyqqa asa qajettilik týyndamaǵan jaǵdaıda úıden shyqpaýǵa keńes berýde. «Henk» daýyly sońǵy úsh aıda bolǵan segizinshi stıhııalyq qubylys bolyp tur. Mamandar dúleı jeldiń endi Eýropanyń soltústigine qaraı jyljıtynyn boljady.