Anglııa men Shotlandııanyń arasyndaǵy temirjolǵa aǵash qulap, qatynas úzildi
NUR-SULTAN. QazAqparat - Anglııa men Shotlandııanyń arasyndaǵy temirjoldyń elektr symdaryna aǵash qulap, poıyz qatynasy úzilip qaldy, dep habarlaıdy QazAqparat Virgin Trains kompanııasyna silteme jasap.
Osy baǵdardyń poıyz qatynasyn Virgin Trains kompanııasy qamtamasyz etedi. Oqys oqıǵa Karlaıl (Anglııa) jáne Lokerbı (Shotlandııa) eldi mekenderiniń arasyndaǵy ýchaskede bolǵan. Ýchaske Shotlandııanyń batysyndaǵy Irland teńiziniń jaǵalaýyndaǵy aýdandarǵa qaraıdy.
Keleńsiz jaǵdaı tabıǵattyń tosyn minezine baılanysty boldy. Qazir birneshe kúnnen beri Ulybrıtanııada nóser tolastamaı, sý tasqyndary bolyp jatyr. Qorshaǵan ortany qorǵaý agenttigi Anglııanyń ózinde keı aýmaqtardy sý basý qaýpi týraly 44 eskertý jarııalaǵan.
Al Shotlandııanyń Aberdın qalasynda belgili ánshi Rod Stıýarttyń ashyq aspan astynda ótýi tıis kontserti keıinge qaldyryldy.
