Anglııa men Qazaqstanda turatyn tatarlar beldesý kúresinen sheberlik synasady
ASTANA. QazAqparat - Anglııa, Qazaqstan, Frantsııa, Reseı, Ýkraına tatarlary Túmen oblysy Tobolsk qalasynda sibir tatarlarynyń tarıhı-mádenı murasynyń dúnıejúzilik festıvalinde beldesý kúresi boıynsha kúsh synasady, dep jazdy TASS.
«Festıval 7-9 tamyzda Sibir handyǵynyń ejelgi astanasy - Tobolsk qalasynda ótedi. Oǵan ár elden 2 myńǵa jýyq sibir tatarlary qatysady», - dedi uıymdastyrýshylar.
«Qarsylastar arasyndaǵy aıqas 4 mınýtqa, sonyń ishine jasóspirimder arasynda - 3 mınýtqa sozylady. «Beldesý olımpıadalyq júıemen ótedi», - dedi festıval uıymdastyrýshylary.
Budan basqa, festıvalde báıge, sibir tatarlarynyń ulttyq ashanasy, ulttyq sheberler baıqaýy, «Igraı garmon» baıqaýy ótedi.
Festıval qatysýshylary gramota, laýreattary - baǵaly syılyqtar men dıplomdar alady. Kórermen kózaıymy júldesi de kózdelgen.
