Anglııa quramasynyń shabýylshysy feısbýkte jankúıerlerinen keshirim surady
ASTANA. QazAqparat - Fýtboldan Anglııa quramasynyń shabýylshysy Ýeın Rýnı jankúıerlerinen Brazılııada ótip jatqan álem chempıonatynan erte shyǵyp qalǵany úshin keshirim surady.
Anglııa ıtalııalyqtar jeńilis tapqan Italııa - Kosta-Rıka matchynan keıin toptan shyǵý múmkindiginen aıyryldy.
«Álem birinshiliginiń toptyq kezeńinde shyǵyp qalý meni qatty túńildirip jiberdi. Ár oıynǵa shyqpas buryn óz-ózimizge degen senimimiz nyq bolatyn. Ókinishke qaraı, bul senim aqtalmady. Chempıonatqa biz úshin kelgen, úıde otyryp tamashalaǵan barlyq jankúıerlerimnen jaqsy oıyn kórsete almaǵanymyz úshin keshirim suraımyn...», - dep jazdy Rýnı feısbýkte.
Seısenbi kúni, Anglııa Kosta-Rıkamen qalǵan matchyn oınaıdy, sodan keıin elderine qaıtady.
Osy jolǵy oıyn aǵylshyndyqtar úshin sońǵy 56 jylda bolmaǵan sátsizdik ákeldi, sońǵy ret olar 1958 jyly toptan shyǵa almaı qalǵan.
