Anglııa - Iran matchy álem chempıonatynda eń uzaqqa sozylǵan oıyn retinde erekshelendi

ASTANA. QazAqparat - Anglııa jáne Iran quramalarynyń kezdesýi fýtboldan álem chempıonaty tarıhynda eń uzaqqa sozylǵan oıyn retinde erekshelendi, dep habarlaıdy QazAqparat tilshisi.

Kezdesý barysynda brazılııalyq tóreshi Rafael Klaýs birinshi kezeńge - 14, ekinshi kezeńge - 10 mınýt qosymsha ýaqyt qosty.

Nátıjesinde tóreshiniń sońǵy ysqyryǵy oıyn bastalǵannan keıin arada 117 mınýt 16 sekýnd ótkende estildi.

Osylaısha ol álem chempıonaty tarıhyndaǵy eń uzaqqa sozylǵan oıyn retinde erekshelendi.

Eske salsaq, atalǵan kezdesýde Anglııa quramasy Irannan 6:2 esebimen basym tústi.

Budan buryn mundaı jaǵdaı 1994 jylǵy álem chempıonatynda tirkelgen edi.

Sol jyly Ońtústik Koreıa jáne Bolıvııa kezdesýi 104-mınýtta aıaqtaldy.

Foto: AP Images