Anglııa bıligi Rojdestvo kezinde shekteýdi jeńildetýden tolyqtaı bas tartty
NUR-SULTAN. QazAqparat - Ulybrıtanııa bıligi Rojdestvo merekesi kezeńinde shekteý sharalaryn jeńildetýge arnalǵan josparynan tolyqtaı bas tartty, dep habarlaıdy QazAqparat tilshisi.
Vedomstvoaralyq komıssııanyń baspasóz qyzmetiniń málimetinshe, o ǵan sebep — memleket ishinde koronavırýstyń jańa shtamynyń taralýy. London, Ýels, Shotlandııa jáne Anglııanyń ońtústik-shyǵys aımaqtarynda 20 jeltoqsan kúni saǵat 00.00-den bastap 30 jeltoqsanǵa deıin eń joǵary - tórtinshi deńgeıdegi karantın engizildi.
Elde barlyq dúkender (birinshi kezektegi taýarlardy satanyn dúkenderdi qospaǵanda), sulýlyq salondary men sport klýbtary jabylýda.
Eldiń premer-mınıstri Borıs Djonsonnyń aıtýynsha, VUI-202012/01 dep atalǵan COVID-19-dyń jańa mýtatsııasynyń taralý qarqyny óte joǵary. Búgingi kúni Londondaǵy COVID-19 juqtyrǵandardyń 60%-dan astamynda osy erekshe shtamm anyqtalǵan.
Sonymen qatar, aldyn ala málimetter boıynsha, atalǵan mýtatsııa aldyńǵy shtamǵa qaraǵanda juqpalylyǵy 70% joǵary bolýy múmkin.
