Anglııa banki bazalyq paıyzdyq mólsherlemeni 1,75%-ǵa kóterdi

LONDON. QazAqparat – Anglııa banki bazalyq paıyzdyq mólsherlemeni 1,25 paıyzdan 1,75 paıyzǵa deıin kóterdi. Mundaı sheshim Ulybrıtanııa men Eýropadaǵy ınflıatsııa deńgeıiniń kúrt ósýine baılanysty qabyldandy, dep habarlaıdy QazAqparat tilshisi Euronews-ke silteme jasap.

Bul rette Anglııa banki taıaýda bolatyn aqsha-nesıe saıasaty jónindegi komıtettiń otyrysynda qatań sharalar qabyldaýy múmkin ekenin málimdedi.

«Energııa baǵasynyń qymbattaýynan túsimder men kirister kólemi azaıdy. Osylaısha, Ulybrıtanııa men Eýropa elderinde ekonomıkalyq belsendilik deńgeıi nasharlap otyr», - dedi Anglııa bankiniń basshysy Endrıý Beılı.

Onyń aıtýynsha, Reseı men Ýkraınanyń arasyndaǵy shıelenisken jaǵdaı - Ulybrıtanııadaǵy ınflıatsııaǵa teris áser etken negizgi faktor. Sondaı-aq, Endrıý Beılı ınflıatsııany 2 paıyzdyq deńgeıge qaıtarýǵa yqpal etetin aqsha-nesıe saıasatyn engizýden bas tartpaıtynan málimdedi.

Eske salaıyq, Anglııa banki buǵan deıin de bazalyq paıyzdyq mólsherlemeni kótergen bolatyn.