Anglııa banki bazalyq paıyzdyq mólsherlemeni 1,25%-ǵa deıin kóterdi

NUR-SULTAN. QazAqparat - Anglııa banki ınflıatsııany tómendetý sharalary aıasynda bazalyq paıyzdyq mólsherlemeni 1,25 paıyzǵa deıin kóterdi, dep habarlaıdy QazAqparat tilshisi ABC News arnasyna silteme jasap.

Anglııa banki ınflıatsııa sáýirde 9%-ǵa jetkennen keıin osy jyldyń sońyna qaraı 10%-dan joǵary ósedi dep boljaıdy, bul - 1982 jyldan bergi eń joǵary kórsetkish.

Qysymǵa ushyraǵan Anglııa banki paıyzdyq mólsherlemeniń tym tez kóterilýinen saqtanyp, brıtandyq ekonomıka bastan ótkerip jatqan ınflıatsııalyq faktorlardyń kóbi banktiń syrtqy jáne baqylaýynan tys ekenin alǵa tartady.

Anglııa bankiniń bul qadamy sársenbi kúni AQSh Federaldy rezervtik júıesiniń G7 elderi arasyndaǵy Amerıkadaǵy ınflıatsııanyń eń joǵary deńgeıi jaǵdaıynda óziniń etalondyq paıyzdyq mólsherlemesin 75 bazıstik pýnktke - 1,5%-dan 1,75%-ǵa deıin kóterý týraly qadamynan keıin boldy.