Ulybrıtanııanyń basty ortalyq banki negizgi mólsherlemeni 3,75% deńgeıinde saqtap qaldy
ASTANA. KAZINFORM — Ulybrıtanııanyń basty ortalyq banki ınflıatsııanyń jedeldeýi jáne energııa tasymaldaýshylar baǵasynyń ósýi aıasynda negizgi mólsherlemeni 3,75% deńgeıinde saqtap qaldy, dep habarlaıdyEuronews.
Aqsha-nesıe saıasaty komıtetiniń músheleri bul sheshimdi alty daýyspen úshke qarsy qoldady. Komıtettiń úsh múshesi mólsherlemeni 0,25 paıyzdyq tarmaqqa kóterip, 4%-ǵa deıin jetkizýdi qoldady.
Ulybrıtanııadaǵy ınflıatsııa 3,1%-ǵa deıin ósip, sońǵy bes aıdaǵy eń joǵary deńgeıge jetti. Ulybrıtanııanyń basty ortalyq banki aldaǵy toqsandarda Iranmen qaqtyǵys aıasynda munaı men munaı ónimderi qymbattaýyna baılanysty baǵalardyń ósýi jalǵasýy múmkin dep otyr.
Shilde aıynan beri Brent markaly munaıdyń baǵasy 36%-ǵa, al Ulybrıtanııadaǵy gazdyń kóterme baǵasy 78%-ǵa ósti.
Sonymen qatar retteýshi ázirge energııa tasymaldaýshylar baǵasynyń ósýi jalaqy men basqa da taýarlar men qyzmetter baǵasyna aıtarlyqtaı áser etip otyrǵanyn baıqamaıdy. Alaıda Ulybrıtanııanyń basty ortalyq banki ınflıatsııalyq táýekelderdiń joǵary deńgeıde qalyp otyrǵanyn eskertti.
Brıtandyq retteýshiniń bul sheshimi basqa iri ortalyq bankterdiń áreketinen erekshelenedi. Osy aptada AQSh-tyń Federaldy rezerv júıesi mólsherlemeni 3,75–4%-ǵa deıin kóterdi, al Eýropalyq ortalyq bank buǵan deıin depozıttik mólsherlemeni 2,5%-ǵa deıin arttyrǵan.
Buǵan deıin Ózbekstan Ortalyq banki negizgi mólsherlemeni ózgertpeý týraly sheshim qabyldaǵany habarlanǵan bolatyn.
