Anglııa: balasyn azaptaǵan ata-analar ómir boıy abaqtyda otyrý jazasyna kesildi
ASTANA. 2 tamyz. QazAqparat - Aǵylshyn soty birneshe aı boıy jabyq bólmede qamaýda otyryp, ashtyqtan jáne soqqydan ólgen tórt jasar balanyń anasy men ógeı ákesin kisi óltirý qylmysy boıynsha aıypty dep tanyp, ómir boıy abaqtyǵa otyrǵyzý úkimin shyǵardy. Bul týraly VVS habarlady.
Magdalena Lýtchak pen Marıýs Krezoýlek merziminen buryn shartty bosatý týraly qoldaýhat alardyń aldynda túrmede kem degende 30 jyl otyrýy tıis degen qaýly shyǵaryldy. Bul sot Bırmıngemde ótti.
Dárigerler málimeti boıynsha Denıel esimdi bala kontslager qurbany sekildi tym júdep ketken kórinedi. Óler aldynda jetkinshektiń salmaǵy 10,5 kelige jýyq bolǵan eken.
Qoǵamdyq belsendiler bul oqıǵaǵa jurttyń kýá bola otyryp dabyl qaqpaǵanyn negizge alyp, qosymsha tergeý júrgizýdi talap etýde. Óıtkeni balanyń denesinde kúdikti jaraqattar bolǵan, salmaǵyn kóp joǵaltqan, oǵan qosa, ol qoqys mańyn aralap júrgen.
