Anglııa aýmaǵynyń jartysynan astamy resmı túrde qýańshylyq aımaǵy dep jarııalandy
ASTANA. KAZINFORM – Anglııa aýmaǵynyń jartysynan astamy birneshe aıǵa sozylǵan aptap ystyq pen jaýyn-shashynnyń kúrt azaıýyna baılanysty resmı túrde qýańshylyq aımaǵy dep jarııalandy, dep habarlaıdy Euronews.
Ulybrıtanııanyń Qorshaǵan ortany qorǵaý agenttiginiń málimetinshe, qýańshylyq rejımi Anglııa aýmaǵynyń shamamen 51%-yn qamtıtyn jeti óńirde engizilgen. Mundaı sheshim birneshe aı boıy saqtalǵan ystyq ári qurǵaq aýa raıynan keıin qabyldandy.
Ulybrıtanııanyń Qorshaǵan ortany qorǵaý, azyq-túlik jáne aýyl sharýashylyǵy mınıstrliginiń deregine sáıkes, shilde aıynda el boıynsha jaýyn-shashyn mólsheri aılyq normanyń nebári 7%-yn quraǵan. Al eldiń ońtústiginde jaǵdaı odan da kúrdeli bolyp, kútilgen jaýyn-shashynnyń tek 1%-y ǵana túsken.
– Ózenderdegi sý deńgeıi tómendep barady, fermerler egindi merziminen buryn jınaýǵa májbúr, tabıǵı órt qaýpi artyp keledi. Sonymen qatar mıllıondaǵan turǵyn sý tutynýǵa qoıylǵan shekteýler jaǵdaıynda ómir súrip jatyr, – delingen vedomstvo habarlamasynda.
Ulttyq Met Office meteorologııalyq qyzmetiniń málimetinshe, shilde aıyndaǵy ortasha temperatýra klımattyq normadan shamamen 3 gradýsqa joǵary bolǵan. Bul aı el tarıhyndaǵy eń ystyq úsh-tórt jaz aıynyń qataryna enýi múmkin.
– Uzaqqa sozylǵan aptap ystyq pen jaýyn-shashynnyń bolmaýyna baılanysty sý qory tabıǵı jolmen tolyǵatyn kólemnen áldeqaıda jyldam jumsalyp jatyr, – dedi Ulybrıtanııanyń Qorshaǵan ortany qorǵaý agenttiginiń sý resýrstary jónindegi dırektory ári Ulttyq qýańshylyq tobynyń tóraıymy Helen Ýeıkhem.
Buǵan deıin Eýropalyq «Kopernık» klımattyq qyzmeti Eýropa álemdegi eń jyldam jylynatyn qurlyq bolyp qala beretinin, munda temperatýranyń kóterilý qarqyny jahandyq ortasha kórsetkishten eki eseden astam joǵary ekenin habarlaǵan.
Aıta keteıik, joıylyp bara jatqan jabaıy mysyqtardy Anglııaǵa qaıtarý qarastyrylyp jatyr.
