12:06, 30 Naýryz 2024 | GMT +6
Angelına Lýkas jekpe-jek aldynda salmaq ólshep, qarsylasymen kóz arbasty
ASTANA. KAZINFORM - Qazaqstandyq kásipqoı boksshy Angelına Lýkas jeńilip kórmegen qarsylasymen jekpe-jek aldynda salmaq ólshedi.
Angelına Lýkas búgin Taıland astanasy Bangkokta ótetin jekpe-jeginiń aldynda salmaq ólsheý jáne kóz arbasý rásiminen ótti.
30 naýryzda jergilikti promoýshn ótkizetin boks keshi aıasynda Lýkas jeńilmegen taı sportshysy Tanıarat Djaıklmen (6-0, 6KO) aıqasqa shyǵady.
Jekpe-jek árqaısysy eki mınýtqa sozylatyn alty raýndtan turady.
Kezdesý qarsańynda qos qarsylas ekinshi jeńil salmaqtyń sheginde ekenine kóz jetkizdi.
Lýkas munyń aldyndaǵy jekpe-jegin 29 aqpanda Taıland astanasynda ótkizgen.
Ol kezde qazaqstandyq boksshy tórtinshi raýndta taǵy bir taı boksshysy Kadesara Djadpakdıdi (7-4, 4KO) nokaýtqa jibergen bolatyn.
