Angelına Lýkas Taılandta ındonezııalyq boksshy Harma Iestıdi jeńdi
ASTANA. KAZINFORM – Qazaqstandyq boksshy Angelına Lýkas Bangkokte (Taıland) ındonezııalyq boksshy Harma Iestımen jekpe-jek ótkizdi. Segiz raýndtyq aıqasta otandasymyz qarsylasynan basym tústi.
Osylaısha, Angelına kásipqoı bokstaǵy onynshy jeńisine qol jetkizdi. Al, Harma Iestı tórtinshi ret jeńildi.
Aldyńǵy jekpe-jeginde Lýkas WIBF jáne WBF nusqalary boıynsha álem chempıony ataǵyn jeńip alǵan edi. Ol besinshi raýndta Indıana Mamta Sınghti (5-2, 2 KO) nokaýtqa jibergen bolatyn.
Eske sala keteıik, buǵan deıin Taıland astanasy Bangkok qalasynda ótip jatqan bokstan Olımpıadaǵa irikteý týrnırinde qazaqstandyq Rımma Volosenko qarsylasyna ese jiberip, joldamadan qaǵyldy. Sondaı-aq lıtsenzııalyq týrnırde boksshy Natalıa Bogdanova da jeńilip qaldy.
