Angelına Lýkas kásipqoı bokstaǵy alǵashqy jekpe-jegin jeńispen aıaqtady

NUR-SULTAN. QazAqparat — Elordanyń Jaqsylyq Úshkempirov atyndaǵy Jekpe-jek saraıynda Táýelsizdiktiń 30 jyldyǵyna oraı ótip jatqan kásipqoı boks keshinde qazaqstandyq boksshy qyz Angelına Lýkas osy saladaǵy debıýttik jekpe-jegin ótkizdi, dep habarlaıdy QazAqparat tilshisi.

Boks keshiniń negizgi kardyn qazaqstandyq boksshy qyz Angelına Lýkas pen Ýkraına úmiti Svetlana Vasılevskaıa ashty.

4 raýndtyq jekpe-jek negizinen Angelına Lýkastyń basymdyǵymen ótti.

Osylaısha ol tóreshilerdiń biryńǵaı sheshimi boıynsha 40:36 esebimen jeńimpaz atandy.

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetilip jatyr.

Aıta keteıik, keshtiń basty jekpe-jeginde qazaqstandyq Olımpıada chempıony Danııar Eleýsinov pen argentınalyq Hýan Ernan Leao jartylaı orta salmaqtaǵy IBO chempıondyq belbeýin sarapqa salady.

Otandasymyz buǵan deıin kezdesý ótkizip 16 kezdesý ótkizip, onyń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen támamdap, bir jekpe-jegin sátsiz aıaqtaǵan.