Angelına Lýkas alǵash ret álem chempıony tıtýlyn qorǵaıdy

ASTANA. QazAqparat – Qazaqstandyq kásipqoı boksshy Angelına Lýkas alǵash ret álem chempıony tıtýlyn qorǵamaq. Bul týraly ol áleýmettik jelide jazdy, dep habarlaıdy QazAqparat.

«25 tamyzda Ystanbulda alǵash ret álem chempıony ataǵyn qorǵaımyn. Qazir men kásipqoı bokstan Qazaqstandaǵy jalǵyz álem chempıonymyn jáne áıelder arasyndaǵy Qazaqstannyń kásipqoı boks tarıhynda álem chempıony ataǵyn qorǵaıyn dep jatqan jalǵyz adammyn.

Sondaı-aq mende ǵana úsh tıtýl bar: UBO álem chempıony, WBC International, UBO International. Bul meniń, ujymym men halqymnyń ortaq eńbegi dep oılaımyn. Qazaqstandyq boks – álemdegi eń úzdik boks. Halyqaralyq arenada súıikti Otanymnyń Týyn jelbiretkenimdi maqtan tutamyn.

Men Stýmaıa Mýkaǵa qarsy jekpe-jekke bar salmaqpen qaraımyn, ol WBC, WBF, UBO, PST, ABU, WBC AFRICA tıtýldary úshin kúresti, onyń bokstaǵy rekordy 7-3-0.

Jeńiske bel býyp, ózimizdiń qazaq boksyn kórsetkim keledi. Kezdesý 10 raýndqa josparlanǵan, mende jaqsy oqý-jattyǵý jıyny, sapaly daıyndyq bar. Bul kásipqoıdaǵy 5-shi jekpe-jegim jáne tıtýl úshin 4-shi jekpe-jegim bolady!

Men tarıhta qalýǵa jáne absolıýtti álem chempıony bolýǵa tyrysamyn! Alǵa Qazaqstan!», - dep jazdy Angelına Lýkas Instagram-paraqshasynda.

Eske salaıyq, sportshy osy jyldyń mamyrynda meksıkalyq Ana Arasoladan WBC tujyrymy boıynsha álem chempıony tıtýlyn jeńip aldy.