Angela Merkel «Jyl áıeli» atandy
ASTANA. QazAqparat - Forbes jýrnaly jurtshylyq nazaryna «Jyl áıeli» reıtıngin usyndy, dep habarlaıdy Ýtro.rý. Onyń qatysýshylary - túrli el men túrli kásip ókilderine basylym rettik nómirlerin bermeı, olardy álipbı tártibinde ornalastyrýdy jón kórgen.
Bul úzdikter tiziminde tek GFR kantsleri Angela Merkel erekshe qurmetke ıe boldy. «Jyl áıeli» ataǵy oǵan reseılik eń ataqty tutqyn Mıhaıl Hodorkovskııdi bosatýǵa qosqan úlesi úshin berildi.
Forbes obyrdyń damý qaýpinen sút bezderin alyp tastaý otasyn jasatýǵa táýekel etken Gollıvýd ártisi Andjelına Djolıdi atap ótti. Saıası belsendilik tanytqan, mılıtsııa jasaǵyna qarsy turyp, ózin ózi órtep jiberýge oqtalǵan «Evrovıdenıe-2004» básekesiniń jeńimpazy, ýkraındyq ánshi Rýslana da reıtıngten tıisti ornyn ıelendi. Sondaı-aq tizimge Dıana hanshaıym tárizdi balasyn kútýshiniń tárbıesine berýden bas tartqan Keıt Mıddlton endi.
Tizimde Genetal Motors bas dırektor, álemdegi iri avtomobıl kompanııalarynyń birin basqarǵan birinshi áıel Merı Barra jáne AQSh FRJ tóraıymy Djanet Iellen de bar.
Sondaı-aq, úzdikter ondyǵyna RF Ortalyq bankiniń jańa basshysy Elvıra Nabıýllına jáne Reseı prezıdentiniń burynǵy áıeli Lıýdmıla Pýtına engen.
