Angela Merkel jańa ushaqqa ıe boldy
ASTANA. 31 jeltoqsan. QazAqparat - Lufthansa 30 jeltoqsan kúni Germanııa bıligine úkimettik ushaqtar parkin jańartý baǵdarlamasy aıasynda alǵashqy eki A340 ushaǵynyń birinshisin tapsyrady, dep habarlaıdy "Lenta.rý". A340 ushaqtary Germanııaǵa GDR kezinen qalǵan A310 laınerleriniń ornyn baspaq.
Buǵan deıin Lufthansa paıdalanǵan A340 ushaqtary, saıasatkerlerdiń qalaýymen qaıta jabdyqtaldy. Jańa salondarǵa jatyn bólmesi men kelissózder júrgizýge arnalǵan bólme qosylǵan. Qos ushaq ta zymyrandardan saqtaný júıesimen jabdyqtalǵan. Úkimettik jańa A340 ushaqtary 142 jolaýshy tasymaldaı alady.
Endi, A340 birneshe testik synaqtardan ótýge tıis. Jańa borttyń tusaýkeseri men alǵashqy resmı áýe sapary aqpan aıyna josparlanyp otyr. Ekinshi A340 úkimetke kelesi jyldyń ortasynda tapsyrylýǵa tıis.
2010 jyldyń jazynda bılik eki A319 satyp alǵan. Úkimettik ushaqtardy jańartý baǵdarlamasy 2010 jyldyń naýryz aıynan bastap qolǵa alynǵan.
